झारखंडमधील विधानसभा निवडणुकीच्या प्रचारादरम्यान  राहुुल गांधी यांनी नरेंद्र मोदींवर टीका केली होती. मेक इन इंडियाचे रेप इन इंडिया झाले आहे, असं वक्तव्य राहुुल गांधींनी केलं आहे. या वक्तव्यवरुन संसदेत गदारोळ माजला. या वक्तव्यमुळे भारतीय महिलांचा अपमान झाला आहे. त्यामुळे राहुुल गांधी यांनी सर्व महिलांची माफी मागावी असं केंद्रिय मंत्री स्मृती इराणी यांनी म्हटलं आहे

केंद्रिय मंत्री स्मृती इराणी यांच्यासोबत भाजपाच्या इतर महिला खासदारांनी संसदेत जोरदार घोषणाबाजी केली. राहुुल गांधी यांच्या वक्तव्यावरून राज्यसभेतही गदारोळ झाला आहे. स्मृती इराणीबरोबर केंद्रीय मंत्री प्रल्हाद जोशी यांनीही राहुुल गांधी यांच्यावर टीका केली आहे. राहुल यांचे विधान अतिशय मन दुखावणारे असल्याचे संरक्षण मंत्री राजनाथ सिंह यांनी लोकसभेत म्हटलं आहे.

काँग्रेसचे नेते अधीर रंजन चौधरी यांनी देखील सभागृहात असंच विधान केलं होतं. मात्र, या वक्तव्यावरून झालेल्या गदारोळानंतर अधीर रंजन चौधरी यांनी दिलगिरी व्यक्त केली होती.

Leave a Reply

Your email address will not be published. Required fields are marked *